Сұмдық! Ер адам төрт баланың қолын байлап, ұрып соғыпты

16.02.2024, 07:38 newsroom.kz

Әлеуметтік желіде белгісіз ер адамның төрт баланың қолын байлап, ұрып-соққан жантүршігерлік бейнесі тарады, деп хабарлайды newsroom.kz.

Алматы облысы Жамбыл ауданында болған бұл оқиғада ер адамның балаларды пышақпен қорқытып жатқаны анық көрінеді. Алматы облыстық полиция департаментінің бастығы Бауыржан Әленов кәмелетке толмағандарға шабуыл жасаған әрекет туралы арыз бойынша сотқа дейінгі тергеу амалдары басталғанын хабарлады.

Күдікті анықталып, оған қатысты ұстау шаралары жүргізіліп жатыр. Аталған дерек бойынша облыстың барлық аудандық бөлімшелері мен өңірлік полиция органдары бағдарланды. Басқа ақпарат қосымша беріледі, – деді ол.

Полиция басқармасының бастығы қылмыстық істі өз бақылауына алғанын айтты.