Алматы әкімі Чунчоннам-до провинциясының губернаторымен кездесті

03.05.2024, 13:41 almaty-akshamy.kz

Алматы әкімі Оңтүстік Корея Қазақстан экономикасындағы жетекші шетелдік инвесторлардың бірі болып табылатынын атап өтті. 2005 жылдан бері шамамен 9,5 млрд. АҚШ доллары тартылған. Алматы мен Корея Республикасы арасындағы тауар айналымы қарқынды өсуде. 2023 жылы бұл көрсеткіш 2022 жылмен салыстырғанда 21% - ға артып, (2022 ж. - 1,05 млрд. АҚШ) 1,27 млрд. АҚШ долларын құрады, деп хабарлайды аlmaty-akshamy.kz.

Алматыда Оңтүстік Корея капиталының қатысуымен 537 кәсіпорын жұмыс істейді (Қазақстанда - 735). Корей бизнесі Samsung, KIA, Hyundai, LG, SsangYong, Lotte және т.б. сияқты ірі компаниялар арқылын кеңінен ұсынылуда.

Өз кезегінде Ким Тхэ Хым Ерболат Досаевқа қонақжайлылығы үшін алғыс айтып, қазақ және корей халықтары арасындағы терең тарихи байланыстарды атап өтті. Ким Тхэ Хым этникалық корейлердің Қазақстанға қоныс аударуының қиын кезеңінде отандастарына көрсетілген қолдауды атап өтіп, одан әрі әріптестікті нығайтуға үміт білдірді.

Ол сондай-ақ Чунчоннам-до провинциясы Оңтүстік Корея экономикасы дамуының локомотиві екенін, экспорт көлемі бойынша үшінші, сауда балансы мен ЖӨӨ бойынша екінші орында тұрғанын хабарлады. Бүгінгі таңда провинцияда электроника, косметика, азық-түлік тауарлары, ауыл шаруашылығы және балық шаруашылығы өндірісі дамыған.

Тараптар ынтымақтастықты одан әрі дамыту үшін зор әлеуетті атап өтті. Кездесу барысында сауда-экономикалық және инвестициялық өзара іс-қимылды, оның ішінде туризм, білім беру және жастарды қолдау салаларын ұлғайту мәселелеріне ерекше назар аударылды.