Адамның «ең бақытсыз жасы» белгілі болды

15.09.2020, 14:52 aikyn.kz

Адамның өмірінде қиындық туындайтын кезең белгілі болды. Алайда бірнеше жылдан соң бақытты кезең қайтып оралады. Дармут колледжі және Ұлттық экономикалық зерттеулер бюросының ғалымдары адам өміріндегі «ең бақытсыз жасты» анықтады. Бұл 47-48 жас. Бұл кезде адамда күйзеліс көбейеді, қаржы жетіспейді, адамның шашы тез ағара бастайды деп жазады Daily Mail. Сарапшылар әлемнің 145 елінен 500 мың адамды зерттеуге тартқан. Мамандардың айтуынша, «ең бақытсыз жас» адамдар үшін жынысы мен жасына, отбасы мен әлеуметтік жағдайына қарамастан бірдей. Адамға 65-70 жасқа қарай бақытты уақыт қайта оралып, 80 жасқа қарай шарықтау шегіне жетеді.