Халық емі: Артық салмақтан құтқарады

10.05.2022, 11:43 bilimdiler.kz

Адамды артық салмақ мазаласа төмендегі ем - шараларын жасап көруге болады. Ағзаны артық майдан, сонымен қатар артық салмақтан табиғи жолмен құтқаратын бұл тәсілді үй жағдайында жасаудың зияны жоқ. 1. Жусанның (полынь) кептіріліп, ұнтақталған жапырағынан 1 шай қасық алып, оны 250 миллилитр қайнаған суда 20 - 25 минут тұндырасыз. Сүзіп алғаннан кейін күніне 3 рет, тамақ алдында 1 шай қасықтан ішу керек. 2. Бақбақ (одуванчик) тамыры, жалбыз (мята), мыңжапырақ (тысячелистник), жүгері дәнінің әрқайсысынан 1 ас қасықтан алып, араластырасыз. Оның 3 ас қасығын шыны ыдысқа салып, үстінен 1, 5 литр қайнап тұрған су құйыңыз. 8 - 10 минут қайнатып, 12 - 14 сағат тұндырады. Одан кейін сүзіп алып, қалағанынша бал араластырып, тамақтанардың алдында жарты стаканнан ішіп тұру керек. 3. Күніне 4 - 5 рет тамақ алдында қырыққабат шырынын ішіп жүру де салмақтың қалыпты болуына көмектеседі. Бұл тәсілді 1 ай бойына жалғастырса жақсы.