Біздің веб-сайт шолу тәжірибеңізді қамтамасыз ету үшін cookie файлдарын пайдаланады және тиісті ақпарат. Біздің веб-сайтты пайдалануды жалғастырмас бұрын, сіз Cookie саясатымен және құпиялылығымен келісесіз және қабылдайсыз. cookie файлдары және құпиялылық.

Қазақ тілінде білім беретін балабақшаларға сұраныс өсуде…

zhambylnews.kz

Қазақ тілінде білім беретін балабақшаларға сұраныс өсуде…

Мектепке дейінгі білім беру ұйымдарында қазақ тілінде оқытатын топтарға сұраныс артып келеді. Бұл туралы Оқу-ағарту министрлігінің «Балаларды ерте дамыту институты» РММ директоры Манара Адамова айтты, деп хабарлайды ҚазАқпарат.

Министрлік мәдіметіне қарағанда, Қазақстанда 11 мың 104 мектепке дейінгі ұйымда 1,1 млн-нан астам бала қамтылып отыр. Соның арасында балабақшалардың 70 пайызға жуығы қазақ тілінде оқытып жатыр.

Қалған 30 пайызы аралас балабақша болып саналады.

«Балабақшаларда қазақ тілінде білім алуға қатысты сұраныс артып келеді. Әсіресе, жас ата-аналар жағынан сұраныс көбейіп келеді. 2022 жылы жаңа оқу бағдарламасы енгізілген еді. Онда әр жастағы топтарға арналған тиісті норма ескерілген», — деді М. Адамова Орталық коммуникациялар қызметіндегі баспасөз мәслихатында

ҚР Оқу-ағарту министрлігінің Мектепке дейінгі білім департаментінің директоры Наталья Жұмаділдаева былтыр ашылған балабақшалардың 98 пайызы қазақ тілінде білім беріп жатқанын айтты,

«Осы орайда қазақ тілінде оқытатын білім беру ұйымдарына сұраныс артып келеді. Егер бала кішкентайынан қазақ тіліндегі сөздерді меңгере бастаса, онда ол отбасындағы басқа да адамдарға ықпал ететіні белгілі», — деді департамент басшысы.

Бұдан бұрын хабарланғандай, мектепке дейінгі білім беру ұйымдарында 97 408 педагог жұмыс істеп жүр. Оның ішінде ауылдарда 41 596 (42,7%), ал қалада 55 811 (57,3%) адам қамтылған.

Еліміздегі мектепке дейінгі ұйымдардың 70 пайызға жуығы қазақ тілінде білім беріп жатыр.

Кейінгі 4 жылда балабақша кезегінде тұрғандар саны екі есеге азайды.

  • Соңғы
Басқа жаңалықтар

Күнделікті жаңалықтар

Бүгін,
19 наурыз 2024