Оқу жылы қысқарды: мектептер алты күндік оқу аптасына орала ма?

29.08.2023, 13:19 newsroom.kz

Сенбі күні тек үш ауысымды және балалар тым көп мектептер ғана оқиды, деп newsroom.kz хабарлайды El.kz ақпарат агенттігіне сілтеме жасап. Оқу-ағарту министрлігі «оқу жылының 36 аптадан 34-ке қысқаруынан соң мектептер алты күндік оқуға орала ма?» деген сауалға қатысты жауап берді. 25 тамыз күні премьер-министр орынбасары және еңбек және халықты әлеуметтік қорғау министрі Тамара Дүйсенова оқу жылы 34 аптаға созылып, 25 мамырда бітетінін мәлімдеген. Сол күні-ақ Оқу-ағарту министрлігі тиісті бұйрықты қоғамдық талқылауға шығарды. Министрлік оқу жылының 34 аптаға қайта оралуына қарамастан, алты күндік оқу аптасы қайтарылмайтынын алға тартты.