Карантин кезінде Қазақстандағы ауа сапасы жақсарды ма?

29.04.2020, 13:56 azattyq.org

Дүниежүзілік денсаулық сақтау ұйымының дерегінше, әлемдегі әр он адамның тоғызы лас ауамен тыныстайды. Ұйымның бағалауынша, жыл сайын лас ауаның кесірінен жеті миллион адам қайтыс болады. Жер бетіндегі түрлі қалада коронавирус пандемиясына байланысты енгізілген шектеу шаралары улы газдардан тұратын тұманды сейілтіп, ауа сапасының біршама жақсаруына әсер етті. Америкалық және еуропалық зерттеушілер ауа сапасы мен COVID-19 вирусының арасында байланыс барын анықтады. Азаттық сарапшылардан карантин кезінде Қазақстандағы қоршаған ортаның жағдайы қалай өзгергенін сұрады.