Бауыржан Байбек 50 мың теңге үшінші рет берілетінін айтты

03.06.2020, 18:38 qazweek.kz

Nur Otan партиясы төрағасының бірінші орынбасары Бауыржан Байбек 50 мың теңге көлеміндегі көмекті тағы кімдер алатынын айтты, деп хабарлайды Qazweek.kz ақпарат агенттігі Aikyn.kz порталына сілтеме жасап. «Кеше Елбасы, партия көшбасшысы Нұрсұлтан Назарбаев 50 мың теңге көлемінде біржолғы төлемді үшінші рет беруді тапсырды. Осы аптада ірі қалаларға жақын орналасқан шағын қалалар, ауылдар мен елді мекендердегі мұқтаждар санатына кіретін 110 мыңға жуық отбасыға қосымша атаулы қаржылай көмек көрсетіледі», – деп жазды ол Instagram-дағы парақшасында. Оның айтуынша, осы уақытқа дейін 23 қаладағы 360 мыңнан аса отбасыға 50 мың теңге көлемінде қаржылай көмек берілген.