Ұлан-Батыр мен Алматы арасында жаңа рейс ашылды

28.09.2020, 15:47 baq.kz

2020 жылғы 28 қыркүйекте елші Жалғас Әділбаев Моңғолия Үкіметінің Атқарушы агенттігі – Азаматтық авиация бас басқармасы және «Хунну эйр» әуе компаниясының басшылығымен бірге аталған компанияның «Ұлан-Батыр - Алматы» бағытындағы әуе қатынасын ашуға арналған баспасөз конференциясына қатысты. Аталған жаңа әуе бағыты екіжақты саяси, сауда-экономикалық, мәдени-гуманитарлық, туристік салалардағы байланыстардың қарқынды дамуына мүмкіндік беретіні айтылды. «Ұлан-Батыр - Алматы» бағытындағы «Хунну эйр» әуе компаниясының ұшағы жергілікті уақытпен 13:00-де Моңғолияның астанасынан ұшты.