Өзбекстандық бапкер Токиода Қазақстан құрамасындағы ең мықты боксшы кім екенін айтты

21.07.2021, 08:32 aikyn.kz

Өзбекстандық жаттықтырушы Фаррух Киличев «неКАРАтэ» youtube арнасына сұхбат берді. Оның пікірінше, Токио Олимпиадасында Қазақстан боксшыларының ішінде Өзбекстан спортшылары үшін ең мықты қарсылас – Бекзат Нұрдәулетов, – деп жазды Sports.kz. «Мықты қарсылас кім дегенде?.. Қай командада мықтылар көп дегенге келсек… Меніңше, Токиода Қазақстан құрамасынан бір мықты қарсы алдыңнан шығады. Ол – Бекзат Нұрдәулетов. Екатеринбургте 81 келі салмақ дәрежесінде біздің Дилшод Рузметов жеңіліп қалған еді. Сондай-ақ, әзербайжан мен кубалықтар да осал емес. Олардың да жеңіске жетуге мүмкіндігі көп», – деді өзбекстандық бапкер Фаррух Киличев.