Біздің веб-сайт шолу тәжірибеңізді қамтамасыз ету үшін cookie файлдарын пайдаланады және тиісті ақпарат. Біздің веб-сайтты пайдалануды жалғастырмас бұрын, сіз Cookie саясатымен және құпиялылығымен келісесіз және қабылдайсыз. cookie файлдары және құпиялылық.

Алматы мектептерінің бірінде атақты Виктор Цойдың екі бірдей концерті өткен

almaty-akshamy.kz

Алматы мектептерінің бірінде  атақты Виктор Цойдың екі бірдей концерті өткен

Бұл туралы «Игла» фильмінде Архимед персонажын ойнаған Архимед Ысқақов өз естілектерінде баяндайды: Ол кезде мен мектепте мұғалім болып істеп жүргем. Бұл туралы жасыру мүмкін болмағаннан кейін, балалар менен «Сіздің Виктор Цойдың фильміне түсіп жатқаныңыз рас па?» - деп сұрады. Мен: «Рас», -дедім. – «Ол кісіден біздің мектепке келуін сұрауға бола ма?» - деді. Мен: «Ол жағын білмеймін, Виктордан сұрап көрейін, мүмкін, келіп те қалар», - дедім. Викторға: «Сен менің мектеп жұмыс істейтінімді білесің ғой дедім?» Ол: «Иә», - деді. «Менің оқушыларым сенің мектепке келгеніңді қалайды, жалпы бұл мүмкін бе әлде жоқ па?» деп едім, ол: «Әрине, оның еш қиындығы жоқ, тек біз мына жерден кеш босаймыз, кешкі тоғыз кезі кеш болмаса, сол уақытта барайын», - деді. Мен балаларға телефон соғып айттым, кеш болып кетпесе, тоғыздан кейін баратын болдық. Жұмыс күні аяқталған соң біз менің үйіме соғып, гитара алып, онымен 56-мектепке келдік. Класстың іші менің оқушыларыма лық толды, Виктор сынып ішіне кіріп келген кезде оқушыларым сілейіп қатты да қалды. Олардың мұндай түрлерін бірінші рет көрдім. Ешқайсысы қыбыр етпеді. Балалардың аң-таң болғаны соншалық, екі сағат бойы ән айтқан Виктор оларды орындарынан қозғап, «оятуға» барынша тырысты, бірақ олар тіпті Цоймен амандасуға да жарамады. Викторға екі метр жақын отырған балалар сол сілейіп қатқан күйі қатты да қалды. Ккелесі күні мен Виктордан кешірім сұрадым. Оған: «Кеше балаларға не болғанын білмеймін», - дедім. Сыныпқа келгенімде, жаныма жақындаған балалар: «Сізден кешірім сұраймыз, кеше бізге не болғанын білмейміз. Мелшидік те қалдық. Виктордан оның тағы бір рет келуін өтінуге бола ма?» - деді. Мен: «Білмеймін, тағы сұрап көрейін», - дедім. Викторға келіп: «Витя, балалар сенен кешірім сұрап жатыр, мүмкін сен тағы бір рет келерсің?» - дедім. Ол оны еш қиындығы жоқ екенін айтып, тағы да кешкісін жолығатын болдық. Қарапйым мектеп сыныбының іші жүз елу адамға толды, олардың қатарында оқушылар, олардың ата-аналары, достары болды. Сол күні олар түнгі бірге дейін ән тыңдап, Викторға қатысты өздерінің сұрақтарын қойды. Бірнеше жыл бұрын Фурманов (Жамбыл) көшесіндегі 56-мектептің төртінші қабатында сынып есігіне естелік тақтайша орнатылды. Онда: «1988 жылы осы сыныпта Виктор Цойдың екі концерті өткен» деп жазылды.
  • Соңғы
Басқа жаңалықтар

Күнделікті жаңалықтар

Бүгін,
19 наурыз 2024