Түркістанға барып мінәжат етсе, іштері ауыра ма: Журналист Меккеге барғыштап кеткен әншілерді қатаң сынға алды

30.01.2023, 08:56 kaz.caravan.kz

Бұл туралы ол Facebook желісіндегі парақшасына жазды, - деп хабарлайды Caravan.kz медиа порталы. "Меккеге бармасын демеймін. Барсын!!! Орамал тақсын қазақ аналары секілді. Менің анашым ақ орамалын ешқашан басынан шешкен емес. Сонысымен әдемі. Біздегі әнші-сайқымазақтар тегін жарнамаға өздері барады да, аңқау елдің қалтасын қағып араб елінің қазынасын толтыртады. Өзіміздің Түркістанға барып мінәжат етсе, іштері ауыра ма?! Әлде, ата-бабаларының әруағы риза болсын деп, құран оқытып зиратына барса бір құлағы кеміп қала ма?! Бұрын Меккеге Құнанбай аталарымыз жаяулатып барған. Ал бүгінде екінің бірі барып, қажы деген ауадан статус жасап жүр. Бір сөзбен айтқанда - бизнеске айналдырды", - деп жазды Бибігүл Дәулетбекқызы.