Біздің веб-сайт шолу тәжірибеңізді қамтамасыз ету үшін cookie файлдарын пайдаланады және тиісті ақпарат. Біздің веб-сайтты пайдалануды жалғастырмас бұрын, сіз Cookie саясатымен және құпиялылығымен келісесіз және қабылдайсыз. cookie файлдары және құпиялылық.

Tesla-дан шыққан өртті сөндіруге 22 тонна су кетті

alashainasy.kz

Tesla-дан шыққан өртті сөндіруге 22 тонна су кетті

29 қаңтар күні сағат 16:00 шамасында Калифорниядағы № 50 тас жолда Tesla Model S отқа оранды, - деп хабарлайды Alashainasy.kz тілшісі Кolesa.kz-ке сілтеме жасап. Сакраменто өрт сөндірушілер командасының твиттердегі парақшасында «машинаның аккумулятор тұрған бөлігі жол үстінде өздігінен тұтанған» деп жазылған. Мамандар екі қозғалыс жолағын жабуға мәжбүр болыпты. Өрт сөндіру оңай болмады. Қанша су шашса да, 19 минут бойы жалынның беті қайтпаған. «Тесланың» алдыңғы корпусын домкратпен көтеріп, төменгі бөлігіне су жібергенде ғана от өшіпті. Команда 6000 галлон (22 700 литр) су жұмсадық деп есеп берді. Остин қаласындағы өрттен қорғау қызметінің басшысы бензинді мотормен жүретін көлік өртенсе, шамамен 500-1000 галлон (1890-3785 л) су кететінін айтты. 6000 галлон бүтін бір үйді сөндіруге жетеді екен. Көлік тасымалдайтын компаниялар көп мөлшерде электромобиль тасудан сол себепті қорқады, ал сақтандырушылар полис сомасын есептегенде қауіп жоғары екенін ескереді. Салыстыру үшін айтсақ, егер мұндай оқиға біздің елде болса, «тесланы» сөндіру үшін автопойыздағы су түгел кетер еді, өйткені арнайы техника апат орнына ары кетсе 30 мың литр су жеткізе алады.
  • Соңғы
Басқа жаңалықтар

Күнделікті жаңалықтар

Бүгін,
28 наурыз 2024