Түркияда хабар-ошарсыз кеткен үш қазақстандық іздестіріліп жатыр

08.02.2023, 13:03 alashainasy.kz

Жер сілкінісі кезінде Түркияда болған үш қазақстандық әлі табылмады. Сыртқы істер министрлігі оларға жан-жақты іздеу салған, - деп хабарлайды Alashainasy.kz тілшісі "Экспресс К"-ға сілтеме жасаап. Экспресс К бұған дейін Мирболат Құрмашевтің із-түссіз кеткенін жазған еді. Түркияда жұмыс істейтін сол отандасымыздың қасындағы тағы үш әріптесі жоғалған болып шықты. Әділ Қадырбеков пен Сәбина Мамадияроваға туыстары іздеу салса, Түркия азаматы Құбылай Кескін туралы да нақты ақпарат жоқ. Бүгін Мирболат Құрмашевтің достары Түркияға аттанып кетті. Олар Facebook-тегі парақшасында қандай да бір ақпарат беру үшін Мирболаттың інісінің телефон нөмірін (+7 (702) 430-20-21) қалдырған. Ал СІМ жоғалған азаматтардың әлі табылмағанын алға тартты.