Біздің веб-сайт шолу тәжірибеңізді қамтамасыз ету үшін cookie файлдарын пайдаланады және тиісті ақпарат. Біздің веб-сайтты пайдалануды жалғастырмас бұрын, сіз Cookie саясатымен және құпиялылығымен келісесіз және қабылдайсыз. cookie файлдары және құпиялылық.

Гаагадағы халықаралық сот Украинаға басып кірген Ресейдің әскери қылмыстарын тергеуді бастауы мүмкін

azattyq.org

Гаагадағы халықаралық сот Украинаға басып кірген Ресейдің әскери қылмыстарын тергеуді бастауы мүмкін

Гаагадағы халықаралық қылмыстық сот жақын арада Ресейдің Украинаға басып кіргеніне байланысты әскери қылмыстар бойынша екі қылмыстық іс ашып, осы қылмысқа қатысы бар бірнеше адамды қамауға алуға ордер береді.Бұл жөнінде дүйсенбіде аты-жөні аталмаған ресми тұлғаларға сілтеп, Reuters пен New York Times хабарлады. Бұл шешім әзірге ресми түрде жарияланбаған.Егер бұлайша қылмыстық іс қозғалатын болса, онда мұны Ресейдің Украинаға басқыншылығына байланысты жасаған Гаага сотының алғашқы қадамы деуге болады.New York Times хабарына қарағанда, екі пункт бойынша айып тағылады, біріншісі – Украинаның азаматтық инфрақұрылымын әдейі талқандау, екіншісі – Украина жерінен балаларды Ресейге алып кету.Халықаралық соттың бас прокуроры Карим Хан таяуда Украинаға барып, Ресей әскері зымыранмен, дронмен атқылап, азаматтық инфрақұрылымға қандай залал келтіргенін көріп кеткен. Reuters хабарына қарағанда, азаматтық инфрақұрылымға жасалған шабуылдан Украинаның жүздеген тұрғыны өліп, миллиондаған адам зардап шеккен.Ресей бұл соққы "қарсыласты әлсірету үшін жасалды" деп мәлімдеген. Бірақ Украина билігі оны бейбіт халықты қорқытып-үркіту үшін жасады деп есептейді.Женева конвенциясы мен оның қосымша хаттамалары соғысушы тараптарды азаматтық нысандар мен әскери нысандарды бөле қарауға міндеттейді. Халықаралық құқық азаматтық нысандарға шабуыл жасауға тыйым салады.Гаагада қылмыстық іс қозғалуына Ресей басып алған жерлерден украин балаларын әкетіп, оларды қайта тәрбиелеу лагерлеріне салғаны да ілік болатын сыңайлы.Халықаралық Human Rights Watch құқық қорғау ұйымы дүйсенбіде ата-анасының қамқорлығынсыз қалған украин балаларының жағдайы туралы есебін жариялаған. Құқық қорғаушылардың ойынша, балалар үйінде өсіп жатқандардың көбі ата-анасы болса да, соғыстың кесірінен оларды көре алмай отыр. Көптеген бала психологиялық жарақат алған, бір бөлігі Ресейге күштеп әкетілген.Әзірге халықаралық сот кімді айыптайтыны белгісіз. New York Times басылымының кейбір дереккөздері Ресей президенті Путинге айып тағылуы мүмкін деп есептейді. Басылым сот процесінің болашағына күмәндана қарайды, өйткені халықаралық сот қылмыстық істі сырттай жүргізбейді, ал Ресей Гаага сотын мойындамайды, сол себепті өз азаматтарын бермейді.
  • Соңғы
Басқа жаңалықтар

Күнделікті жаңалықтар

Бүгін,
28 наурыз 2024