Риддердегі ЖЭО-да тағы бір апат болды

baq.kz

Энергетика министрлігі баспасөз қызметінің хабарлауынша, жарылыс толқыны шамамен 80 м шаршы метр қоршау құрылымдарын қиратқан. Қазандықтарға көмір беру сағат 13.00-де қалпына келтірілді.

Бұл жерге Атомдық және энергетикалық қадағалау мен бақылау комитетінің басшылығы дереу жолға шықты. Бұйрыққа сәйкес комиссия технологиялық бұзушылыққа тергеп-тексеру жүргізеді, - делінген ведомствоның мәлімдемесінде.

Комиссия құрамына Комитет өкілдері, Риддер ЖЭО және техникалық сарапшы кірді. Тергеп-тексеру нәтижелері 10 жұмыс күні ішінде дайын болады.

Қазіргі уақытта ЖЭО-да 6 қазандықтың екеуі жұмыс істейді. Қалған 4 қазандықта ақауларды жою бойынша жөндеу жұмыстары жүргізіліп жатыр. Жылу желісінің температурасы 70/46 градус графикте 45/35 градус.