Жаркентке жақын тас жолдағы ірі көлік өртінің егжей-тегжейі белгілі болды

28.03.2023, 14:10 alashainasy.kz

28 наурыз күні таңертең Жаркенттен 15 шақырым жерде тас жолда жүк көлігінің тіркемесі өртеніп кетті. Жетісу облысы бойынша Төтенше жағдайлар департаментінің баспасөз қызметі Zakon.kz-ке оқиғаның мән-жайын айтып берді.

Өрттің видеосы Instagram- дағы парақшалардың біріне жарияланған.

Төтенше жағдайлар департаментінің баспасөз қызметі зардап шеккендер жоқ деп нақтылады.

"Шақырған жерге жеткенде ТЖД өрт сөндіру бөлімінің қызметкерлері мата мен төсек-орын жабдықтары тиелген жүк көлігінің тіркемесі толығымен ашық отқа оранғанын анықтады" деп мәлімдеді Жетісу облысы Төтенше жағдайлар департаментінің баспасөз қызметі.

Сонымен қатар өрттің шығу себебі анықталып жатқаны айтылды.

Бұған дейін Самара-Шымкент тас жолында екі ауыр жүк көлігінің соқтығысқаны хабарланған еді. Бір жүк көлігінің жүргізушісі оқиға орнында көз жұмды.