«Неге өз елімде домбырамды қорлықпен тасуым керек?»: Жас айтыскер неге қынжылады

05.05.2023, 15:19 paryz.kz

Айшолпан Тілеутай Алматыдан Астанаға ұшу үшін ұшаққа билет алып, тіркеу, тексеріс - бәрінен түгел өткен. Бірақ ұшақ бортына кірерде қызметкерлер оның домбырасын тартқылап, кіргізбеуге тырысқан. Бұл туралы айтыскер ақын өзінің Instagram-дағы парақшасында айтты.

Айшолпанның айтуынша, қызметкерлер домбыраны тартып, қыздың киімінен жұлқылап, оны итерген. Бір өзі шамасы келмейтінін білгенде тағы бір қызметкерді көмекке шақырған. Бірақ ақын қыз сонда да домбыраны бортқа алып кірген. Ол өзін қорқытпақ болғандарға "әуе компаниясы кімдікі болса да, бәрібір" деп жауап қайтарды. Ақын қыз "Қазақтың қасиетті домбырасын ұшақта неге сонша қорлықпен тасуымыз керек?" деп наразы.