Біздің веб-сайт шолу тәжірибеңізді қамтамасыз ету үшін cookie файлдарын пайдаланады және тиісті ақпарат. Біздің веб-сайтты пайдалануды жалғастырмас бұрын, сіз Cookie саясатымен және құпиялылығымен келісесіз және қабылдайсыз. cookie файлдары және құпиялылық.

Түркістанда «Таза Қазақстан» акциясының «Киелі мекен»...

turkistan.today

Түркістанда «Таза Қазақстан» акциясының «Киелі мекен»...

Елімізде Мемлекет басшысының қолдауымен «Таза Қазақстан» республикалық экологиялық акциясы басталған болатын. Акцияның өзі бірнеше апталықтарға бөлінген,- деп хабарлайды turkistan. today Түркістан облысының Өңірлік коммуникациялар қызметіне сілтеме жасап.Атап айтқанда, 6-13 сәуір аралығы – «Таза өлке» апталығы, 13-20 сәуір аралығы – «Киелі мекен», 20-27 сәуір аралығы – «Жасыл аймақ», 27 сәуірден 4 мамырға дейін - «Өнегелі ұрпақ», ал 4-11 мамыр аралығы – «Мөлдір бұлақ» апталығы.Облыста алғашқы апталықта барлық 17 қала-аудандарда тазалық жұмыстары мен көшет-гүл егу жұмыстары жүрді. Нәтижесінде 2 839 көшенің бойлары тазаланып, 139 250 түп көшет отырғызылды. Сондай-ақ, 144 431 дана ағаш әктеліп, 58 407 шаршы метр аяқ жолдары тазаланды. Бұдан бөлек, 346 саябақ мен скверлер ретке келтіріліп, 298 балалар және спорт алаңшаларында тазалық жұмыстары жүрді. Сонымен қатар, жалпы 272 шақырым өзен-каналдар мен бұлақтардың арналары ашылды. Ал 13 сәуір күні жалпы сенбілік өткізіліп, 1 031 тонна қоқыс шығарылған. Шараға облыс бойынша 25 мың адам тартылып, 316 техника жұмылдырылды.Енді 13-20 сәуір аралығында «Киелі мекен» апталығы аясында облыс көлеміндегі тарихи-мәдени ескерткіштер маңында 170 іс-шараны өткізуді жоспарланған. Бүгіннен бастап Түркістан қаласындағы Қ.А.Ясауи мен Отырар ауданында Арыстан баб кесенелерінде тазалық және абаттандыру жұмыстары жүріп жатыр. Алдағы уақытта да Сауран Қалашығы, Үкаша ата кесенесі, Жүсіп ата кесенесі және Ысқақ баб кесенесі, Баба Түкті Шашты Әзіз кесенелері сияқты аумақтар тазаланатын болады.

  • Соңғы
Басқа жаңалықтар

Күнделікті жаңалықтар

Бүгін,
22 мамыр 2024