Бишімбаевтың ісін жүргізіп жатқан судьяны белгісіз біреулер қорқытқан – Жоғарғы сот
Жоғарғы сот экс-министр Қуандық Бишімбаевқа қатысты сотқа төрағалық етіп жатқан судьяның ұялы телефонына белгісіз нөмірден қорқыту хабарламалары түскенін мәлімдеді. «Астана қаласының полиция департаменті судья А.Құлбаеваға қатысты қорқыту фактісі бойынша қылмыстық іс қозғады», — деп жазылған хабарламада. Қылмыстық кодекстің 407-бабының 1-бөлігі (Сот төрелiгiн жүзеге асыруға кедергi жасау мақсатында соттың қызметiне араласу) бойынша сотқа дейінгі іс жүргізу басталды. Судья жеке қауіпсіздік шараларымен қамтамасыз етілді. Сонымен қатар интернет кеңістігінде жүргізілген мониторинг барысында судьяға қатысты қылмыстық құқық бұзушылық іс-әрекеттері бар көптеген жағымсыз жарияланым анықталды. Тексеру іс-шараларының нәтижелері бойынша тергеу органы Қылмыстық кодекстің 411-бабының 1-бөлігі (Судьяға жала жабу) бойынша қылмыстық іс қозғады. Жоғарғы сот заң кез келген адамға сот төрелігін жүзеге асыру процесіне, оның ішінде судьяның атына жала жабу немесе қорқыту сипатындағы материалдарды жариялау жолымен, ықпал етуге тыйым салатынын ескертті.
- Соңғы
- Танымал
Күнделікті жаңалықтар
3 мамыр 2024
