Біздің веб-сайт шолу тәжірибеңізді қамтамасыз ету үшін cookie файлдарын пайдаланады және тиісті ақпарат. Біздің веб-сайтты пайдалануды жалғастырмас бұрын, сіз Cookie саясатымен және құпиялылығымен келісесіз және қабылдайсыз. cookie файлдары және құпиялылық.

«Брест» қамалы жастарға ой салды

almaty-akshamy.kz

«Брест» қамалы жастарға ой салды

Сотты болған жасөспірімдер жазасын өтеп жатқан мекеменің түрлі мәдени, әдеби, рухани іс-шаралар өтетін залы гүлдермен, ашық түсті шарлармен, рухты сөздер жазылған плакаттармен безендіріліпті. Балалардың өзі жасаған қабырға газеті де айтулы күннің лебін сездіреді. Мереке шымылдығы еліміздің Әнұранымен ашылды.

Колонияда тәрбиеленіп жатқан жастар өз күштерімен концерт қойды, соғыс жылдарындағы әндерді шырқады, сонау сұрапыл жылдары жазылған өлеңдерді оқыды. Әскери тақырыптағы бейнеклиптерді тамашалады.

Іс-шара барысында бір минут үнсіздік жарияланып, соғыстан қайтпай қалған аталарға құрмет көрсетілді. Әр бала тарихта қалған есімі белгілі жауынгерлерді атап жатқанда, бір тәрбиеленуші соғыстан оралмаған өз атасының есімін атағаны тіпті әсерлі шықты.Жасөспірімдер сосын "Жеңіс күні" әнін бірге шырқады.

«Кеш соңында балалар Ұлы Отан соғысының алғашқы ауыр жылдарындағы қайғылы оқиғаларды баяндайтын "Брест қамалы" фильмін бір деммен отырып көріп шықты. Демек, оларға ойлы картина ой салды деп ойлаймын. Мақсат та сол, аяғын жаза басып, істі болған жасөспірімдерді бейбіт өмірдің қадірін білуге шақыру, адамгершілік, қайырым, достық, Отанды сүю сынды қасиеттерді бойына сіңіру», - дейді 11-мекеменің тәрбие ісі маманы Еркегүл Жеңісхан.

  • Соңғы
Басқа жаңалықтар

Күнделікті жаңалықтар

Бүгін,
23 маусым 2024