Алматыдағы автобус апаты: марқұмның отбасы жүргізушіні кешірді

19.11.2024, 10:16 ktk.kz

Іс Алмалы аудандық сотында ҚР Қылмыстық кодексінің 345-бабының 3-бөлігі бойынша іс қаралы жатыр. 28 жастағы әйелге көлiк құралын басқару кезінде жолда жүру қағидаларын бұзу, оның ішінде абайсызда адам өліміне әкеп соғу бабы бойынша айып тағылып отыр. Сот отырысында Анель Сартаева өз кінәсін толық мойындап,өкінетінің жеткізді.Сонымен қатар,ол апаттың қалай болғанын айтып берді. «Мен түскі сағат 13:55-те үйімде қалған 4 айлық қызымды тамақтандыруға бара жытыр едім. Масаншы көшесімен келе жатып, Lotus бизнес орталығынан кейін шлагбаумнан өтіп, сол жақ бағытта келе жатқан көліктерді өткіздім. Аталған көшеде бағдаршам болмағандықтан, жолдың босағанын күттім. Мен Мақатаев көшесін кесіп өтіп, Масаншы көшесімен жоғары қозғала бастағанда соқтығыстық. Көліктің қауіпсіздік жастықшасы ашылып, біраз уақыт есімді жоғалттым. Адамдар маған көмектесуге жүгірді, мен бірден автобусқа қарай бет алдым. Жедел жәрдем шақырдым, бірақ телефон желісі бос емес еді. Кейін полицейлер келіп, көлік иесінің кім екенін сұрады. Мен барлық қажетті құжатты бердім. Тергеу аясында мен өз кінәмді бірден мойындап, әр қоңырауға келіп тұрдым», – дейді ол. Сотталушы сотқа дейінгі тергеп-тексеру барысында оның отбасы барлық жәбірленушімен кездесіп, моральдық және материалдық шығынды өтегенін атап өтті. Сондай-ақ сот отырсында Сартаева барлық жәбірленуші мен марқұмның туыстарынан кешірім сұрады. «Мен жәбірленушілерден кешірім сұраймын. Мен бұл жағдайға қатты өкінемін және қаншалықты өкінгенімді сөзбен айтып жеткізе алмаймын. Бұл үлкен қайғы екенін білемін. Көңіл айтамын. Өтінемін, мені барлық болған жағдай үшін кешіріңіздерші»,- деп жылады айыпталушы. Марқұмның ағасы, жол апатынан қаза тапқан бауыры сауда орталығындағы аяқ киім дүкенінде жұмыс істегенін атап өтті. Сол ол күні автобуспен жүрген. Кешке қарай бауырының жол апатына ұшырап, мәйітханаға апарып жатқанын білген. Сондай-ақ ол айыпталушының әкесі материалдық және моральдық шығынды өтеуді ұсынғанын, алайда бас тартқанын айтты. Өйткені олардың отбасында ақша мәселесі жоқ. Сондай-ақ ол айыпталушыны кешіретінін жеткізді. Дереккөз: kazinform Бізді Youtubе-та қараңыз!Бізді Facebook-та, Instagram-да, Telegram-да оқыңыз!