Ақтаудағы ұшақ апатын дронға түсірген блогер бостандыққа шықты

05.01.2025, 05:51 kaz.365info.kz

Ақтаудағы ұшақ апатынан кейінгі жағдайды дронмен бейнеге түсіргені үшін 10 тәулікке әкімшілік қамауға алынған блогер Азамат Сәрсенбаев бостандыққа шықты. Әкімшілік жазасын өтеп болған соң ол желіде пост жариялады. «Сәлем, 2025… Ер адамның басынан не өтпейді!? Осы 10 күн оқшауланып, үйден 150 шақырым жерде мен тек осы сөздерді санамда қайталай бердім. Шынымды айтсам, мен бұл тәжірибеге қуаныштымын, өйткені мен өзімнің ұстанымдарыма бұрынғыдан да берік, күшті және иілмейтін болып кеткенімді сезінемін. Жалпы көп нәрсе жазғым келеді. Бірақ алдымен әйелімді сүйіп, балаларымды құшақтап, ыстық душқа түсіп, жылы, жайлы ортада жақсы ұйықтағым келеді. Қалғанын кейінірек айтамын…», – деп жазды блогер.