Маңғыстауда бірнеше мұғалім жалған дипломмен жұмыс істеген

06.03.2025, 07:38 kaz.365info.kz

Маңғыстау облысында білім беру мекемелерінде жұмыс істеген бірнеше мұғалімнің кәсіптік даярлықтан өткендігі туралы куәліктері жалған болып шықты. Бұл деректі білім беру сапасына жүргізілген тексеріс барысында прокуратура анықтады. Прокуратураның мәліметінше, «Ә» есімді педагог 2024 жылдың наурыз айында SDU University университетінің (Алматы қаласы) «Арнайы педагогика» мамандығы бойынша «логопед-дефектолог» біліктілігін алғаны туралы жалған куәлікті пайдаланған. Осы құжат негізінде ол мектепте «педагог-психолог» лауазымында жұмыс істеген. Осыған ұқсас заңбұзушылықтар тағы 6 педагогтен анықталған.