ChatGPT жасаушылары қолданушыларға ескерту жасады

26.03.2025, 06:12 newsroom.kz

Ғалымдар мыңдаған адамды зерттеп, олардың арасынан "тәжірибелі қолданушылар" деп аталатын топты анықтады. Бұл топ чат-ботпен жиі және ұзақ уақыт қарым-қатынас жасаған. Зерттеу барысында оларда алаңдаушылық, бақылауды жоғалту, көңіл-күй тұрақсыздығы және "бас тарту синдромы" сияқты белгілер байқалған. Мамандардың айтуынша, ChatGPT-ді ұзақ қолданатындар көбінесе оны дос ретінде қабылдай бастайды. Әсіресе, өзін жалғыз немесе мазасыз сезінетін адамдарда бұл үрдіс айқын көрінеді. Эмоционалды тәуелділік әсіресе ChatGPT-ді идеялар құрастыру немесе ақпарат іздеу үшін пайдаланатындарда жиі байқалған. Ал оны эмоциялар мен естеліктер туралы сөйлесу үшін қолданатындарда тәуелділік деңгейі одан да жоғары болған. Зерттеушілердің айтуынша, мәтіндік режимде қолданушылар эмоционалды тілге жиі жүгінген, ал дауыстық режим қысқа уақыт ішінде қолданылғанда психологиялық әл-ауқатқа оң әсер еткен. Ғалымдар ұзақ уақыт бойы чат-ботпен байланыс орнату әлеуметтік байланысы әлсіз адамдарда парасоциалдық қарым-қатынасты күшейтетінін және оның салдары мазасыздық пен күйзеліс тудыруы мүмкін екенін ескертеді. Мамандар бұл құбылысты әрі қарай зерттеу қажет екенін атап өтті.