Алматылық оқушы ҰБТ-дан 140 балл жинап, рекорд орнатты

28.03.2025, 06:30 kaz.365info.kz

Алматы қаласының тұрғыны Санжар Қуандық Ұлттық бірыңғай тестілеуде (ҰБТ) ең жоғары 140 балл жинап, рекорд жаңартты. Ол «қазақ тілі мен әдебиеті» пәндері бойынша тест тапсырып, үздік нәтиже көрсеткен. Тестілеу аяқталған соң, достары оны құттықтап, бұл ерекше сәттің бейнесі әлеуметтік желіде тарады. «Тапсырмаларды орындауға шамамен үш сағат уақытым кетті. Қалған 40 минутты тек дұға жасап өткіздім. Нәтижесінде 140 балл жинадым. Минимум 139 балл жинаймын немесе рекорд орнатып, максималды балл аламын деп үміттендім», — дейді Санжар. Алматы облысының білім басқармасының мәліметінше, Санжар Еңбекшіқазақ ауданының Толқын орта мектебінде оқиды. Қазіргі уақытта ол Алматы облысындағы тестілеуден ең жоғары балл жинаған жалғыз оқушы.