Қазақстанда тұрғын үйді табиғи апаттардан міндетті сақтандыру енгізілуі мүмкін

18.04.2025, 08:39 kaz.365info.kz

Қазақстанда азаматтарға өз баспанасын табиғи апаттардан міндетті түрде сақтандыру ұсынылуда. Бұл туралы «Табиғи апаттардан тұрғын үйді міндетті сақтандыру туралы» жаңа заң жобасында айтылған. Жаңа жүйе бойынша тұрғын үйлер жер сілкінісі, су тасқыны, қар суының басуы мен орман өрттері сияқты төтенше жағдайлардан мемлекеттік сақтандыру ұйымы арқылы сақтандырылады. Қазіргі кезде елімізде тек 3,2% тұрғын үй ғана табиғи апаттарға қарсы сақтандырылған. Бұл көрсеткіш Алматыда 7,7%-ға жетеді. Заң қабылданса, табиғи апат кезінде тұрғын үйді қалпына келтіру тек мемлекеттің мойнында болмай, сақтандыру төлемдерімен өтелмек.