«Армияға емес, азапқа кеткен»: Қайтыс болған сарбаздың ата-анасы әділдік іздейді

20.05.2025, 08:58 kaz.365info.kz

18 жастағы Мұхамедияр Тастан әскерге өз еркімен барып, болашағын жоспарлаған. Алайда екі айдан соң қайғылы хабар келді – сарбаз өз-өзіне оқ атып, қаза тапты. 2025 жылғы 23 сәуірде сот сержант Азамат Такибаевты қызметтік өкілетін асыра пайдаланып, сарбазды суицидке итермеледі деп танып, 6 жылға бас бостандығынан айырды. Бірақ ата-анасы бұл жазаны тым жеңіл деп санайды және басқа әскери қызметкерлердің жауапкершіліктен жалтарғанына наразы. Ата-анасы әділ әрі кешенді тергеу жүргізуді, жүйенің толық жауапкершілік алуын талап етуде.