Абайдың мерейтойына арналған 100 және 500 теңгелік монеталар шықты

10.08.2020, 12:35 aikyn.kz

Номиналы 500 теңгелік монета – күмістен, номиналы 100 теңгелік шақа – мельхиор қоспасынан және номиналы 100 теңгелік монета нейзильбер қоспасынан жасалған. Монеталар ақын және ағартушы Абайдың 175 жылдығына орай шығарылды. Ұлттық банктің мәліметінше, Қазақстан аумағында карантин режимінің ұзартылуына байланысты монеталарды сату мерзімі кейінірек хабарланатын болады. Сату күні туралы ақпарат Ұлттық банктің ресми сайтында хабарланады. «ABAI. 175 JYL» монеталарының сипаттамасы: Монеталардың бет жағында (аверсінде) орталық бөлігінде Қазақстан Республикасының Мемлекеттік Елтаңбасы бейнеленген. Елтаңбаның сол және оң жағында «QAZAQSTAN RESPÝBLIKASY ∙ REPUBLIC OF KAZAKHSTAN» жазулары орналасқан.