Байбектің 1 млрд доллар байлығы бар: Жанболат Мамай "Нұр-Отан" орынбасарын дебатқа шақырды

21.04.2021, 11:27 kznews.kz

«Нұр Отан» партиясы төрағасының бірінші орынбасары Бауыржан Байбек белсенді Жанболат Мамайдың үстінен сотқа шағым түсіретінін мәлімдеді. Саясаткер белсендіні өзіне «жала жапты» деп есептейді. Жақында Жанболат Мамай журналистік зерттеу жариялап, Алматы қаласының бұрынғы әкімін қаладағы бірқатар «жемқорлық істерге» қатысы бар деп айыптаған. Осыдан кейін блогер Тәңірберген Бердіоңғаровтың Youtube арнасында Бауыржан Байбектің сұхбаты жарияланды. Онда ол Жанболат Мамайды өзіне «жалаң айып тақты» деп кінәлап, өз атына кір келтіргісі келмегендіктен сотқа беретінін жеткізеді.