Бір жылда ұн бағасы 37% қымбаттаған

17.08.2022, 11:00 inform.kz

Бір жылда елде ұн бағасы 37% қымбаттаған. Бұл туралы ҚазАқпарат Energyprom.kz ресрусына сілтеме жасап хабарлайды. «2022 жылдың қаңтар-маусым айларында елімізде 1,6 млн тонна бидай ұны өндірілген. Бұл – былтырғы көрсеткіштен 1,5% көп. Өңірлер арасында Қостанай облысы 552,4 мың тонна көрсеткішпен алда тұр. Алғашқы үштікке Солтүістік Қазақстан облысы мен (164,5 мың тонна) мен Шымкент қаласы (141,5 мың тонна) кіріп отыр», - деп жазылған сараптамада. Қаңтар-мамыр аралығында ұн экспортының ақшалай көлемі бір жыл ішінде 86,8% артып, 292,6 млн доллар болған. «ТМД елдеріне 212,7 мың тонна ұн жіберілді. Бұл – былтырғыдан 15,1% көп. Соның ішінде Өзбекстанға 158 мың тонна ұн жөнелтілген. Бұл – бір жыл бұрынғы көрсеткіштен 17,6% артық», - деп жазады Energyprom.kz.