АҚШ — Қазақстан экономикасына инвестиция салып отырған ТОП-3 елдің біреуі

03.10.2022, 15:32 zhambylnews.kz

АҚШ Қазақстан экономикасындағы негізгі инвесторлардың үштігіне кіреді, деп хабарлайды ҚазАқпарат. Экономикалық зерттеулер институтының мәліметінше, 2005 жылдан бастап АҚШ-тан тартылған тікелей шетел инвестициясының жалпы ағыны 48,8 млрд долларды құрады. Бұл — Қазақстанға тартылған барлық шетелдік инвестициялардың шамамен 13,5 пайызы. АҚШ ел экономикасының негізгі 3 инвесторының қатарына кіреді. Америкалық инвесторлар тау-кен өндіру секторына көбірек қызығушылық танытады. Еліміздің тау-кен өндіру өнеркәсібіндегі барлық тікелей шетел инвестициясының шамамен 30 пайызы америкалықтарға тиесілі.