Ресейлік миллионерлер банктерден ақшасын шығарып жатыр

16.03.2023, 04:36 azattyq.org

Есепшоттарында миллион доллардан астам қаржысы бар ресейлік байлар банктерден ақшасын шығарып жатыр. Frank RG сарапшыларының мәліметінше, 2022 жылы олардың банктегі салымы 20 процентке азайған.Ақпаратқа қарағанда, олар Ресейге санкция салмаған елдерден жылжымайтын мүлік сатып алып жатыр. Мысалы, Біріккен Араб Әмірлігінен (БАӘ) ресейліктердің сатып алған активтері 800 млрд рубльге жеткен.Frank RG мәліметінше, БАӘ, Түркия және Кипрден элиталы үйлерден пәтерлер сатып алған. 2022 жылы аталған елдерден жылжымайтын мүлік сатып алуға бір триллион рубль жұмсаған. Бұдан бөлек салымшылар ақшасын шетел банктеріне және алтынға салып жатыр.Ресейліктер сонымен бірге Қазақстан, Армения, Түркия және Қытай елдеріне де ақша шығарған.Ресейдің орталық банкінің мәліметінше, 2022 жылы резидент емес банктерге ақша аударым үш есеге – 30 млрд доллардан 79,5 млрд долларға өскен.