FT: Еуропадан Ресей арқылы өткен 1 млрд доллардың тауары "жоғалып" кеткен

11.05.2023, 15:06 azattyq.org

2022 жылы Еуроодаққа (ЕО) мүше елдерден Қырғызстан, Қазақстан және Арменияға жөнелтілген 1 млрд доллардан астам сомаға бағаланған тауарлар Ресей арқылы өткенде "жоғалып кеткен". Бұл туралы Financial Times (FT) басылымы жазды.Ашық мәліметке сәйкес, Ресей Украинаға басып кіргеннен бері ЕО елдерінен транзит деп Ресейге 2 млрд доллардың тауары кірген. Сонымен бірге басылым Еуроодақтан Ресейге мұндай жолмен жөнелтілген экспорттың көлеңкелі көлемі әлдеқайда жоғары екенін белгілеген."Мысалы, Ресейге экспорттауға тыйым салынған ұшақтың тетіктері, оптикалық жабдықтар және газ турбиналары секілді тауарлар Ресей аймағынан транзит ретінде көрсетіліп, шын мәнінде ЕО-дан Ресейге жеткізіліп тұрған", - деп жазды Financial Times.Сонымен бірге Еуроодақтан Ресейге көршілес жайғасқан бірқатар елдерге тауарлар өте көп көлемде импорттала бастаған. Бұл тауарлар кейін Ресейге жеткізілуі мүмкін деген болжам бар.Осыған дейін Еуроодақ санкциялық тауарларды Ресейге көлеңкелі жолмен алып кіруге қарсы күресетінін бірнеше рет мәлімдеген.ЕО санкцияның 11-пакетін жариялап, оған Қазақстан, Түркия, Қытай және Өзбекстан да кіруі мүмкін жайлы мәліметтер айтылып жатыр. Санкциялардың кезекті пакеті жақын күндері қабылданбақ. Оған Ресейдің тағы 72 азаматы мен 31 компаниясы кіреді.