Инвестициялық жобаларды сүйемелдеу процесі автоматтандырылады

14.03.2024, 10:16 ktk.kz

Бұл туралы Мәжілістің Халықаралық істер, қорғаныс және қауіпсіздік комитетінің отырысында Бас прокуратураның Қоғамдық мүдделерді қорғау қызметі бастығының орынбасары Ризат Смағұлов айтты.

«Бірінші кезектегі шаралардың бірі барлық инвестициялық процестерді цифрландыру болмақ. Бұл инвестицияларды тартудан бастап, жобаны пайдалануға беруге дейінгі барлық сатыларды нақты уақыт режимінде бақылауға мүмкіндік береді. Инвесторлар туралы өзекті ақпарат қолжетімді, инвестициялық жобаларды іске асыру процесі ашық болады. Егер бұзушылықтар мен әкімшілік кедергілер болса, IT жүйесі оларды бірден Сыртқа істер министрлігі мен прокурорға жібереді», - деді Ризат Смағұлов.

Оның айтуынша, бұл прокуратура органдары, уәкілетті мемлекеттік органдар және инвесторлардың өздері тарапынан тұрақты онлайн-сүйемелдеуді және мониторингті қамтамасыз етеді.

«Сыртқа істер министрлігі осындай ақпараттық платформаны әзірлеп жатыр. Инвестициялық платформадағы инвесторларға қатысты негізгі шешімдерді прокурорлармен келісу функциясын енгізу бойынша бастамамыз Инвестициялық штабтың отырысында қолдау тапты. Платформаны пайдалануға беру 30 сәуірге дейін жоспарланған», - деді ол.

Бізді Youtubе-та қараңыз!Бізді Facebook-та, Instagram-да, Telegram-да оқыңыз!