Елімізде кедей отбасылар азайған

06.04.2024, 06:04 ktk.kz

Бұл туралы ҚР Еңбек және халықты әлеуметтік қорғау министрлігі мәлімдеді.

Министрліктің мәліметінше, 2023 жылы жалпы сомасы 59,4 млрд теңгеге 114,1 мың отбасы (598,4 мың адам), 2024 жылдың үш айында 7,8 млрд теңгеге 58,8 мың отбасы (312 мың адам) АӘК алған.

Өткен жылдың қорытындысы бойынша өңірлік бөліністе АӘК алушылардың ең көп саны Түркістан облысында (27 мың отбасы) тіркелген. Шымкент қаласында – 12,7 мың отбасы, Алматы – 9,5 мың отбасы, Қызылорда облыстарында 9,4 мың отбасы АӘК алған.

АӘК алушылардың ең аз саны Ұлытау (538 отбасы), Атырау (1,1 мың отбасы) және Солтүстік Қазақстан облыстарында (1,6 мың отбасы) тұрады екен.

«АӘК-нің негізгі мақсаты – ақшалай төлемдер түріндегі қолдауды жүзеге асыру және отбасының еңбекке қабілетті мүшелерін жұмыспен қамтуға жәрдемдесудің белсенді шараларына тарту арқылы отбасын қиын өмірлік жағдайдан шығару», - делінген министрліктің хабарламасында.

АӘК келесілерді көздейді:

•⁠ ⁠табысы өңірлік ең төмен күнкөріс деңгейінің 70%-нан аспайтын азаматтарға тоқсан сайын әлеуметтік көмек тағайындау;

•⁠ ⁠1 жастан 6 жасқа дейінгі табысы аз отбасылардағы әр балаға 1,5 АЕК мөлшерінде ай сайынғы қосымша төлем беру.

•⁠ ⁠жұмысқа орналастыру жолымен жұмыспен қамтуға жәрдемдесу, оқуға жіберу, өз ісін ашуға ынталанған отбасыларға гранттар беру және т.б.

Дереккөз: Kazinform

Бізді Youtubе-та қараңыз!Бізді Facebook-та, Instagram-да, Telegram-да оқыңыз!