Біздің веб-сайт шолу тәжірибеңізді қамтамасыз ету үшін cookie файлдарын пайдаланады және тиісті ақпарат. Біздің веб-сайтты пайдалануды жалғастырмас бұрын, сіз Cookie саясатымен және құпиялылығымен келісесіз және қабылдайсыз. cookie файлдары және құпиялылық.

Су тасқынынан зардап шеккен 1054 ақмолалыққа біржолғы төлемдер жасалды

ktk.kz

Су тасқынынан зардап шеккен 1054 ақмолалыққа біржолғы төлемдер жасалды

Өңірде су тасқынының кезеңі аяқталып келеді. Өзендердегі судың деңгейі біртіндеп төмендеп, елді мекендерді су басу қаупі сейілген. Ал су басқана екі әлеуметтік нысанда (Атбасардағы мектеп және Көкшетаудағы балабақша) толық жөндеу жұмыстары жүргізілуде.

«Өңірде су тасқыны кезінде барлық ресурстар жұмылдырылды. Елді мекендерді қорғау үшін жалпы ұзындығы 45 км топырақтан бөгеттер тұрғызылды, 18 км өзендердің жағалауы нығайтылды. Инертті материал толтырылған 330 мыңға жуық қап төселді. 3,5 млн текше метр су сорылды, он екі өзеннің 53 учаскесінде мұз кептелістері жойылды», - деді су тасқынының зардаптарын жою бойынша өткен жиында аймақ басшысы Марат Ахметжанов.

Айтуынша, су тасқынына қарсы шараларға ҚР Төтенше жағдайлар министрлігі, Мемлекеттік күзет қызметі, Ішкі істер министрлігі, Қорғаныс министрлігі, атқарушы органдар, Мәлік Ғабдуллин атындағы азаматтық қорғау академиясы, сондай-ақ, волонтерлар мен жергілікті тұрғындар жұмылдырылды.

«Соның арқасында қауіпті аймақта орналасқан 95 елді мекенде 8 мың үйдің су басуына жол берілмеді. Ендігі кезекте, су тасқынының нақты қауіп өткен соң оның зардаптарын жоюға кірісеміз. Облыстың барлық аудандары мен қалаларында материалдық залалды анықтау жөніндегі комиссиялар құрылды және келтірілген мүліктік залалды бағалау үшін тәуелсіз сарапшылар тартылды. Сонымен қатар, облыстық деңгейде апелляциялық комиссия құрылды, мәселен, тұрғындардың бірі бағалау комиссияларының шешімімен келіспесе, өз құқықтарын бұзылған деп санаса, ықтимал даулы мәселелерді осы комиссия арқылы реттеуге болады. Барлық зардап шеккендерге 100 айлық есептік көрсеткіш мөлшерінде біржолғы төлемдер төленеді, оны 1054 адам алды. Ақкөл, Аршалы, Ерейментау, Жақсы, Зеренді және Целиноград аудандарындағы 74 отбасына үйлерін жөндеуге жұмсалған жұмыстардың шығындары өтелді. Су басу аймақтарынан 28 мың бас мал құтқарылып, иелеріне қайтарылды», - деп қосты Марат Ахметжанов.

Облыс басшысы атап өткендей, биылғы көктемдегі су тасқынынан қорытынды шығарып, келер жылы мұндайға жол бермеу үшін барлық шаралар қолға алынатын болады. Оның ішінде, ең алдымен Қылшақты және Жабай өзендерінің түбін тереңдетіп, арнасын тазарту жоспарланған.

Дереккөз: Kazinform

Бізді Youtubе-та қараңыз!Бізді Facebook-та, Instagram-да, Telegram-да оқыңыз!

  • Соңғы
Басқа жаңалықтар

Күнделікті жаңалықтар

Бүгін,
23 маусым 2024