Жемқорлардан мемлекетке 195 млрд теңге қайтарылды
![Жемқорлардан мемлекетке 195 млрд теңге қайтарылды](https://img43-kz.redtram.com/news/618012154.jpg?v=1720782065)
Биыл Антикормен жүргізілген тергеулер бойынша 195 млрд теңге мемлекет қаржысына өтелді. Бұл туралы бүгін Сыбайлас жемқорлыққа қарсы іс-қимыл агенттігінде өткен осы жылдың 1-ші жартыжылдығындағы жұмыс қорытындысы бойынша кеңейтілген алқа отырысында айтылды. Агенттіктің мәліметінше, биыл аяқталған істер бойынша 195 млрд теңге өтелген. Ал 2,5 жыл ішінде Қазақстан халқына 1,07 трлн теңге қайтарылды. Сондай-ақ Агенттік халықаралық құқық қорғау желілерімен – БҰҰ жанындағы GlobE, Эгмонт, CARIN және ARIN тобымен белсенді ынтымақтастық құрған. Бүгінде Агенттік жемқорлыққа қарсы ведомстволармен 13 меморандум жасап, оның төртеуіне биыл қол қойылды. Олар – Әзербайжан, Гонконг, Қатар және Ресей. Қорытындылай келе, Асхат Жұмағали Агенттіктің жемқорлыққа қарсы саясатты сапалы іске асыру жөніндегі жұмысын жалғастыратынын атап өтті. Оның негізгі бағыттары жемқорлыққа қарсы ымырасыз күрес, оның алғышарттарын жою, жазаның бұлтартпастығын қамтамасыз ету, заңсыз шығарылған активтерді қайтару және бизнесті жемқорлықтан қорғау болып қала береді. Агенттіктің құрылымдық және аумақтық бөлімшелерінің басшыларына тиісті тапсырмалар берілді.
- Соңғы
- Танымал
Күнделікті жаңалықтар
8 қыркүйек 2024