Қазақстандықтар өзін 10 жылға дейін құмар ойындардан шектей алады

06.12.2024, 08:47 ktk.kz

Қазақстандықтар eGov Mobile қосымшасы арқылы өздеріне құмар ойындар мен бәс тігуге 10 жылға дейін тыйым сала алады. Бұл қызмет лицензияланған ойын алаңдары мен букмекерлік кеңселердің онлайн-платформаларына қолжетімділікті шектеуге мүмкіндік береді. Қызмет тек 21 жастан асқан тұлғаларға қолжетімді.

Пайдаланушы өтініш берген соң құмар ойындарға қатысуына тыйым салынған тұлғалар тізіміне автоматты түрде енгізіледі және өтінішті қайтарып алу мүмкіндігі болмайды. Бұған дейін шектеу енгізген азаматтар шектеу мерзімін ұзарта алады. Өтінішті қайта берген жағдайда жүйе пайдаланушыны шектеудің қазіргі мәртебесі туралы хабардар етіп, оның мерзімін ұзартуды ұсынады. Толық ақпарат eGov.kz сайтында жазылған.

Бұған дейін Қазақстанда құмар ойын бизнесін реттейтін заңға өзгерістер енгізілгенін жазған едік. Жаңашылдықтардың бірі – мемлекеттік қызметшілерге құмар ойындарға қатысуға тыйым салу. Картаның офлайн немесе онлайн түрі де жұмыстан босатуға әкеп соғуы мүмкін. Қазіргі уақытта мемлекеттік қызметкерлер арасындағы құмар ойындарға тәуелділікті анықтау әдістемесі әзірленген.

Дереккөз: kazinform

Бізді Youtubе-та қараңыз!Бізді Facebook-та, Instagram-да, Telegram-да оқыңыз!