Қаржы министрлігі бойдақтарға салық салу бастамасын қарамақ

03.02.2025, 06:46 kaz.365info.kz

Қаржы министрлігі бойдақтарға салық салу бастамасын қарағалы отыр. Алайда ведомство әуелі бұл ұсыныстың ресми түрде түскенін күтеді. «Біз Талдықорған тұрғындарымен кездескенімізде бойдақтыққа қатысты мәселені талқылаған болатынбыз. Бұған дейін салықтың бұл түрі Италияда және Болгарияда болған екен. Демография тұрғысынан бұл маңызды мәселе. Бірақ мұндай салық салуды мен ұсынған жоқпын, БАҚ менің сөзімді басқаша жеткізген, дейді бұған дейін бойдақтарға салық салуды ұсыну туралы айтқан», – деді мәжіліс депутаты Болат Керімбек. Бұған қарамастан, бала тууды ынталандыру бойынша қабылдануы мүмкін шараларды талқылау жалғасуда. Қаржы министрлігі баласыз қалу салығын енгізу туралы ұсыныс ресми түрде түссе, заңға сәйкес қаралатынын растады. «Бұл қоғамдағы қатынасты реттеу, жастарға сигнал ретінде тәртіпке, ретке келіп, көпбалалы болу мақсатында берілген ұсыныс. Бұдан шынын айтқанда, көп ақша да түспейді. 35 жастан жоғары 50 жасқа дейін ғана болу керек», – дейді ол. Депутаттың айтуынша, әлемдік тәжірибеде бойдақтардың жалақысының 3-5 пайыз мөлшерінде ұсталады. Сонымен қатар, депутат алуан пікір айтуға әркімнің құқығы барын айтады. Бұл ұсыныс демографиялық тұрғыда Қазақстанға қажет дейді.