Қазақстанда 8 блогер 1 млрд теңгеден астам кірісін декларациялады

28.02.2025, 06:47 kaz.365info.kz

Елімізде сегіз блогер 1 миллиард теңгеден астам табысын ресми түрде жариялап, бюджетке 70 миллион теңгеден астам салық төледі. Кірістер комитетінің мәліметінше, бұл блогерлер өз еркімен табысын декларациялағанымен, олардың мұндай қадамға баруына өткен аптада желіде тараған «миллиардтаған салық төлеуге міндеттелген» блогерлер тізімі себеп болғаны белгісіз. Дегенмен салық органдары миллиондаған оқырманы бар бұл интернет жұлдыздарының аты-жөнін жариялаудан бас тартты. Ал әлеуметтік желіде тараған «борышкер блогерлер» тізімінің рас-өтірігін анықтау үшін ішкі істер министрлігі тексеру жүргізіп жатыр. «Әлеуметтік желілерде блогерлердің жеке деректері бар тізімнің таралу дерегі ІІМ ақпаратты есепке алу кітабында тіркелді. Материал Астана қаласының полиция департаментіне жіберілді. Бұл тізімнің шынайылығы тексерілетін болады», – деп мәлімдеді ҚР ІІМ.