Ақтаудағы Caspi Bitum зауытында битумның бірінші партиясы алынды

25.04.2025, 09:51 kaz.365info.kz

ҚР Президентінің тапсырмасы бойынша Ақтаудағы битум зауытында «Caspi Bitum» БК» ЖШС-да («ҚазМұнайГаз» ҰК АҚ еншілес кәсіпорны) жүзеге асырылып жатқан жаңғырту жобасы аясында маңызды нәтижеге қол жеткізілді. Жаңартылған қуаттардың жұмысқа дайындығын растайтын 740 тонна жол битумының бірінші партиясына сапа паспорты алынды. Жаңғырту жобасы мұнай өңдеу қуатын жылына 1,5 млн тоннаға дейін арттыру мақсатында жаңа негізгі технологиялық жабдықты ауыстыру мен орнатуды қамтитын — ЭЛОУ-АВТ мұнайды бастапқы өңдеу қондырғысын жаңартуға бағытталған. 2024 жылдың қараша айында басталған құрылыс-монтаждау жұмыстарын бас мердігер CITIC Construction жүргізді. Жұмысты тиімді ұйымдастыру нәтижесінде, соның ішінде 220-дан астам адамды тарта отырып, тәулік бойы жұмыс істеу режимінде жоба кестеден бір ай бұрын аяқталды. Инвестиция көлемі $76 миллион. Caspi Bitum зауытының ресми іске қосылуы және толық қуатына шығуы 2025 жылғы мамыр айының басына жоспарланған. Бұл жобаның Қазақстан үшін стратегиялық маңызы зор. Битум өндірісін жылына 500-ден 750 мың тоннаға дейін ұлғайту бүкіл ел бойынша белсенді жол құрылысының қажеттіліктерін қамтамасыз етеді.