Алматыда трансформатор өртенді

02.03.2020, 13:27 inform.kz

АЛМАТЫ. ҚазАқпарат – Алматыда трансформатордан өрт шықты, деп хабарлайды ҚазАқпарат тілшісі. Алматы қалалық ТЖД хабарлауынша, бүгін түскі сағат 12:00 - де өрт сөндіру бөліміне Алмалы ауданының тұрғынынан Абай көшесі 191 үйдің жанында трансформатордан өрт шыққаны туралы хабарлама келіп түсті. «Трансформатордың майы төгілгендіктен одан өрт тұтанған. Өрт сөндірушілер электр желісінің ажыратылғаннан кейін қызыл жалынды ауыздықтауға кірісті. Қабылданған шаралардың нәтижесінде көрші трансформаторлық қосалқы станцияға және әкімшілік кешеннің жапсарлас ғимаратына көшуіне жол берілмеді»,- деді ТЖД баспасөз қызметі Өрт 12 сағат 34 минутта толығымен сөндірілді. Қызыл жалын 6 шаршы метр аумақты шарпыды