Нұр-Сұлтанда COVID-19 жұқтырған бір науқастың жағдайы ауыр

22.03.2020, 09:43 inform.kz

НҰР-СҰЛТАН. ҚазАқпарат - Нұр-Сұлтан қалалық қоғамдық денсаулық сақтау басқармасының басшысы Сәуле Қисықова елордада коронавирус инфекциясымен тіркелген соңғы үш науқас туралы айтып берді, деп хабарлайды ҚазАқпарат. Оның айтуынша, бір науқас 21 наурыз күні кешке анықталды. Ол коронавирус жұқтырған адаммен жақын байланыста болған адам ретінде тексеруге алынған еді. «22 наурыз күні тағы екі жағдай тіркелді. Оның біреуі - өкпе қабынуы күдігімен стационардағы бокста жатқан. Диагностикалау кезінде коронавирус инфекциясы анықталды. Қазіргі уақытта оның дене қызуы жоқ, бірақ жағдайы ауыр. Екі жақты пневмония, 1-деңгейдегі тыныс жетіпеушілігі бар. Пәнаралық топ консилиумы тағайындады», - деді басқар