Павлодарлық әйел үйінде отырып, коронавирус жұқтырып алды

15.04.2020, 07:51 ktk.kz

Сырқаттанған әйел - 1970 жылы туған Павлодар тұрғыны. 10 сәуір күні жедел жәрдем бригадасы жеке қорғану құралдын қолдану арқылы, ЖРВИ белгілері бар әйел адамды уақытша госпиталге жеткізді. COVID-19-ға алынған тест теріс нәтиже көрсетті. Науқасқа өкпе қабынуы диагнозы қойылды. Емдеу хаттамасына сәйкес, өкпе қабынуы бар науқастардан 3-ші тәуліктен кейін қайта анализ алынады. 14 сәуір күні COVID-2019-ға алынған талдау қорытындысы оң нәтиже көрсетті. Әйел адамның сөзі бойынша, ол ешқайда шықпаған және коронавирус жұқтырған адамдармен байланыста болмаған. Онымен қарым-қатынаста болған тұлғалар анықталды, оларды оқшаулау бойынша жұмыстар жасалуда. Эпидемиологиялық тексеру жалғасуда.