Желіде полицей мен прокурордың әңгімесі тарады: тергеу басталды

14.05.2020, 23:45 aikyn.kz

Маңғыстау облысының полиция департаменті желіде тараған видеоға қатысты қызметтік тергеу бастады, – деп хабарлайды Tengrinews.kz Бұған Ербол Еділовтің Telegram-каналында Маңғыстаудағы полиция қызметкері мен прокуратурасының әңгімесі делінген аудиожазбаның тарауы себеп болған. Өңірлік полиция департаментінің өкілі бұл аудиожазбаға пікір білдірді. «Әлеуметтік желілерді бақылау барысында 14 мамырда Ербол Еділовтің Telegram-каналында полицей мен прокурордың әңгімесі жазылған аудио жарияланды. Осы аудиоға байланысты полиция департаменті қызметтік тергеу бастады», – деді ведомствоның баспасөз қызметі.