Ақтау қаласының маңындағы көшені арыстан аралап жүр

26.06.2020, 03:44 kaz.365info.kz

Әлеуметтік желіде Ақтау қаласының маңындағы Ақшұқыр ауылының көшесін аралап жүрген арыстанның видеосы тарады. Қала маңындағы көшелердің қиылысында жүрген арыстанды сол жерде жүрген адамдар түсіріп алған. «Ауылда арыстан жүр, абай болыңыздар. Абайла, жеп қояю», — дейді видео авторы. «Шамамен 05:30-да 102 кезекші пультіне қала маңындағы Ақшұқыр ауылында арыстан жүр деген шақырту келіп түсті. Департамент басшылығы, Полиция департаментінің табиғатты қорғау полициясы, патрульдік полиция батальонының қызметкерлері шақырту боынша бірден оқиға орнына аттанды», — деп хабарлады полиция баспасөз қызметі. Кейіннерн арыстанның ұсталғаны белгілі болды. Қазіргі уақытта, оның қайдан келгені анықталуда.