Көкшетау маңындағы жол апаты 2 адамның өмірін қиып кетті

01.10.2020, 02:34 inform.kz

КӨКШЕТАУ. ҚазАқпарат – Көкшетау қаласының маңында жол апаты орын алып, 2 адам көз жұмды, тағы 2 адам түрлі дене жарақатымен ауруханаға жеткізілді, деп хабарлайды ҚазАқпарат тілшісі. Ақмола облыстық ПД мәліметінше, жол апаты 2020 жылғы қыркүйектің 30-да сағат 16:44 шамасында «Нұр-Сұлтан – Петропавл» тас жолының Көкшетау қаласынан жетінші шақырым тұсында орын алған. Қазіргі кезде жол апатына байланысты сотқа дейінгі тергеу амалдары басталып кетті.