Бұрынғы депутаттың мәйіті табылды: оқиғаның мән-жайы белгілі болды

07.05.2021, 11:15 kznews.kz

Қарағанды облысында су тасқыны кезінде із-түзсіз жоғалған экс-депутат Нұрлан Сүлейменовтің денесі бір ай дегенде әрең табылған болатын. Құтқарушылардың бірі іздеу жұмыстарының неліктен созылып кеткенін түсіндірді. Александр Вицудың айтуынша, кәсіпкердің денесі өзен түбіндегі шіліктерге шырмалып қалған. «Дене ағыстың қаттылығынан қарқынмен келіп, қалың шілікке  қыстырылып қалған. Су деңгейі жоғары кезде шіліктің арасынан көрінбеген. Су түбінде осындай тал шіліктердің көптігі іздеуді қиындатты. Су шамамен 70 сантимерге дейін түскенде ғана көрінді. Шалқасынан жатыр, денеде жарақат белгісі жоқ», – дейді ол.