Алматыдағы Әкемтеатр алдында блогерді соққыға жығып, тонап кетті

08.06.2021, 15:36 azattyq-ruhy.kz

Алматыда М.Әуезов атындағы қазақ академиялық драма театры алдында белгісіз біреулер блогер Валерий Кудрявцевті соққыға жығып, тонап кеткен. Бұл туралы блогер Facebook желісіндегі парақшасында жазды. Тіпті, бет-аузы қан-жоса болған суретін де жүктеді. «Тәртіп болмайынша біз қалыпты өмір сүре алмаймыз. Олар мені театрдың жанында ұрып-соғып, тонап кетті», – деп жазды ол. Алматы қалалық полиция департаментіндегілер бұл факті Қылмыстық кодекстің 191-бабы (қарақшылық) бойынша тіркеуге алынғанын мәлімдеді. Осы жағдайға қатысты жедел тергеу тобы құрылып, белгісіз шабуылдаушылардың жеке басын анықтау мен оларды ұстауға кіріскен.